Pas disa bashkëpunimeve të arta, është koha që ta shohim Lindon Berishën me një projekt solo. Dhe duket se një i tillë do të vijë më shpejt seç e prisnim, pasi raportohet se artisti ka përfunduar së regjistruari këngën e tij të re pranë "Brick Records", dhe për pak ditë pritet të nisin xhirimet e klipit. Ky i fundit një produksion i studios Entermedia, e njëjta që ka realizuar deri më tani punët e mëparshme të Lindonit së bashku me Adrian Gaxhën. Kujtojmë që projekti më i fundit i këngëtarit ishte ai "Asniherë" i publikuar në fund të muajit dhjetor, i cili deri më tani numëron mbi 6 milionë klikime. Aspak keq për një 'rising star' si Lindon Berisha!