Në orët e para të mëngjesit u raportua një ngjarje e rëndë në liqenin e Shkopetit,ku një peshkatar lajmëroi policinë se brenda në liqen ishte një makinë. Për t’i ardhur në ndihmë uniformave blu, kanë mbërritur dhe polumbarët, të cilët kanë dhënë ndihmën e nevojshme për nxjerrjen e makinës nga liqeni. Menjëherë pas denoncimit të ngjarjes, Policia raportoi se makina kishte përdorur targa të vjedhura në Lushnje, ndërkohë që pas nxjerrjes së makinës nuk u fol për viktima. Në makinën e zhyrtur në liqen nuk kishte asnjë person, por ky moment ka sjell një tjetër “surprizë” për polumbarët.
Pas makinës me targa të vjedhura në Lushnje, gjendet një makinë e dytë në fund të liqenit.
Kështu, zhytur mes baltës ata kanë zbuluar 2 makina, njëra prej tyre mund të ketë rënë thuajse dy vjet më parë.
Nuk dihet nëse makina është përfshirë në ndonjë aktivitet kriminal, nëse ka të bëjë me aksident, vrasje apo me grabitjen e fundit në Rinas. Le të presim hetimet dhe zbardhjen e plotë të kësaj ngjarjeje.