Pothuajse të gjithë përpiqen të relaksohen në mënyrën e tyre. Dikush lutet, dikush bën stretching e dikush tjetër dëgjojnë muzikë. Kjo është pikërisht forma e zgjedhur në rastin e Granit Xhakës. Futbollisti shqiptar që luan me Arsenalin, duket se përpara se të këndojë himin kombëtar në fushë, “nxemjen” e bën me këngët e Noizyt. Por reperi nuk është vetëm i preferuari i Xhakës, pasi të njëjtat shije muzikore me të duket se ndan edhe shoku i tij i grupit, i cili teksa këndon krah Xhakës, nuk heziton madje të bëjë edhe simbolin e shqiponjës me duar. Ku ka më mirë se kaq për të mbajtur lart frymën e grupit? /intv.al/