Odiesa e lajmeve lidhur me Loredanën vazhdon të përditësohet minutë pas minuti.

Për të gjithë ju që e keni humbur, ju rikujtojmë se Loredana u arrestua ditën e sotme e më pas u lirua me pretendimin se ka kanosur dhe mashtruar një çift zviceran duke i zhvatur atij rreth një milion franga bashkë me të vëllanë. Loredana dhe vëllai i saj i madh Berati, thuhet se i kanë marrë para shtetases Petra Z. 52 vjeçe dhe bashkëshortit të saj Hans 53 vjeç. Lidhur me këtë ngjarje ende nuk kemi një prononcim zyrtar nga ana e Loredanës apo Mozzik.

Stuhia pas publikimit të lajmit se Loredana është arrestuar për mashtrim dhe zhvatje ndaj një çifti, në bashkëpunim me të vëllanë Beratin, bëri që Loredana dhe Mozzik të bllokojnë komentet në profilet e tyre në Instagram.

Por çifti pa të arsyeshme që këtë gjë ta bënte edhe tek instagrami i vajzës së tyre, Hana-s. Ata kanë vendosur të heqin nga fotot e saj opsionin për t'i komentuar, në mënyrë që të mos marrë asnjë koment nga ndjekësit në Instagram gjatë kësaj kohe.