Loredana dhe Mozzik prej një muaji nuk janë më bashkë. Ata vendosën të shkëpusin edhe marrëdhëniet profesionale duke bërë që secili të vijojë karrierën vetëm. Konkretisht këngëtarja ka vijuar rrugën e saj artistike e ndërsa së fundmi ka qenë prezente në “MTV Europe Music Award”.

Në këtë eveniment ku këngëtarja ka dalë edhe fituese e një çmimi ajo ka takuar futbollistin e njohur Cristiano Ronaldo. Mesa duket Loredana është fanse e tij pasi nuk ka humbur rastin të bëjë një foto me Cristianon dhe ta shpërndajë në instagramin e saj.

Kjo foto është pëlqyer dhe komentuar pa fund nga fansat e këngëtares, ndërsa kjo e fundit nuk ka shkruar asnjë koment, por thjesht ka bërë tag futbollistin. Reperja u shfaq në tapetin e kuq e veshur komplet me të zeza, me pantallona e atlete dhe ky look u komentua edhe nga mediat e huaja.

Mediat spanjolle i kanë kushtuar një artikull veshjeve 'punk' në event, me titull: "Veshjet punk pushtojnë tapetin e kuq të MTV EMA". Pjesë e këtij artikulli është edhe Loredana e cila shoqërohej nga reperja gjermane Juju. Por sigurisht qe mediat zvicerane nuk mund të mos shkruanin për këtë sukses të Loredanës dhe takimin e saj me Ronaldon gjithashtu.