Pak javë më parë në mediat rozë bëri bujë lajmi i arrestimit të reperes shqiptare Loredana Zefi nga autoritet zvicerane, pasi akuzohej për mashtrim ndaj një çifti zviceran së bashku me vëllain e saj, duke iu zhvatur afro 1 milionë franga.

Lajmi dhe historia e çiftit u bë e ditur nga një media prestigjoze zvicerane, ku tregonte në mënyrë të detajuar, se si Loredana dhe vëllai i saj mashtruan çiftin zviceran.

Së fundmi Loredana ka vendosur që të ndërmarrë një vendim, që nuk do ti pëlqejë dhe aq shumë fansave të saj, pasi ka vendosur që të anulojë koncertet.

“Unë sot fatkeqësisht do ju jap një lajm jo të mirë. Kam anuluar të gjitha festivale. Natyrisht unë isha duke pritur për të festuar me ju, por tani është momenti i gabuar dhe shpresojë se ju do të keni mirëkuptim për këtë“, ka deklaruar Loredana në një video të publikuar në Instagram.(e shihni këtu)

Fifi e ka postuar në Instastory videon e Loredanës dhe i ka dhënë asaj mbështetje publikisht.

"Edhe pse nuk njihemi personalisht, si nga Ferizaj që jemi të dyja, ti ke mbështetjen time. Unë jam me ty", shkruan Fifi.

Kujtojmë që edhe VIP-a të tjerë i dolën në mbështetje Loredanës.