Lori Hoxha është një nga personazhet më të komentuar të showbizit shqiptar dhe shumë e pëlqyer nga publiku së bashku me motrën e saj, Sarën. Ato kanë disa vite diferencë mes tyre, por janë mjaft të lidhura me njëra-tjetrën dhe një pjesë të mirë të kohës e kalojnë bashkë.

Ndodh shpesh që të komentojnë në fotot e njëra-tjetrës, ngacmime ose fjalë të bukura qofshin këto dhe kështu ka ndodhur në një foto të postuar së fundmi nga Lori.
Trashëgimtarja e Top Channel ka ndarë me ndjekësit e saj një foto në Instagram, teksa është veshur me xhinse, xhup lëkurë të kuqe të cilën e ka kombinuar me këpucët.

Por komenti i Sarës dhe Ledionit ka marrë vëmendjen. Motra e saj i thotë: “Je shumë e bukur, ëmbëlsira ime”, ndërsa Ledioni me ca gabime drejtshkrimore (të qëllimshme), i thotë: “Kush t’ka lon me ec n’kom ty mor o ydhhh”.