Tre të rinj kanë rënë në prangat e policisë së Gjirokastër gjatë finalizimit të operacionit antidrogë i koduar “Kabriole”.

Policia arrestoi vëllezërit Arben dhe Dorian Memajdini, banues në Sarandë dhe Arbër Petranin, banues në Memaliaj, të cilët po transportonin 5.3 kg kanabis.

Mësohet se policia kishte marrë informacion në rrugë operative se tre të ndaluarit kishin planifikuar të transportonin lëndë narkotike nga Këlcyra për në Gjirokastër dhe më pas për në qytetin e Sarandës. Menjëherë janë vendosur në terren Shërbimet Operacionale të Kontrollit të Territorit, si dhe Shërbimet e Seksionit për Narkotikët.

Nga vëzhgimi i kryer në orën 23:00 është konstatuar mjeti “Fiat Punto” me targa HMH 4943 dhe pas tij në një distancë prej 300 metrash lëvizte automjeti “BMV” me targa AA 494 DU. Të dy mjetet lëviznin në drejtim të Urës së Dragotit.

Menjëherë shërbimet u vunë në ndjekje të automjeteve, ku dhe janë ndaluar. Nga kontrolli i mjetit BMV rezultoi se në pjesën e serdiles së pasme u gjet një qese, ngjyrë e zezë me lëndë të dyshuar kanabis sativa me peshë 5.3 kg.

Materialet i kaluan Prokurorisë së Rrethit Gjyqësor Gjirokastër për veprën penale “Prodhim dhe shitje narkotikësh”.