Dy të rinj kanë mbetur të plagosur me armë zjarri pasditen e sotme në Lushnje. Burime të policisë bëjnë me dije se kanë mbetur të plagosur shtetasit me iniciale Xh.Sh, 21 vjeç dhe S.Xh, 24 vjeç banues në lagjen’ Çlirimi’ në Lushnje. Mësohet se të rinjtë kanë mbetur të plagosur në këmbë dhe janë jashtë rrezikut për jetën.

Nuk dihen ende motivet e ngjarjes, por policia ka identifikuar autorin dhe po punon për kapjen e tij.