Menjëherë pasi u zgjodh si kreu i shtetit, lideri më i ri francez që nga koha e Napoleonit u zotua që “të mbronte Europën”. Ai mundi 48 vjeçaren kandidate të Frontit Nacioanal në zgjedhjet që do të ndikonin gjerësisht në të ardhmen e Bashkimit Europian. Macron madje kishte deklaruar më parë se nuk do t’i jepte Britanisë një marrëveshje të lehtë për Brexit, duke shkuar deri aty sa e cilësoi largimin e saj nga BE si “një krim”. Presidenti i zgjedhur eci nëpër oborrin historik të Luvrës nën tingujt e “Ode to Joy” të Beethoven, që është edhe himni i BE, duke thënë: “Europa dhe bota presin nga ne që të mbrojmë shpirtin e iluminizmit në çdo vend”! Deklarata të forta që duket se e vendosin në kasafortë të ardhmen e Bashkimit Europian, që deri pak kohë më parë konsiderohej si e rrezikuar nga populizmi.