Madonna mbi të gjitha është një femër që në jetën e saj i ka provuar të gjitha dhe nuk rresht edhe në ditët e sotme. Në numrin e ri të revistës Harper’s Bazaar, ajo ka folur gjatë për punën e saj si dhe projektin më të fundit kinematografik, “Loved”, bazuar në novelën e Andrew Sean Greer, “The Impossible Lives of Greta Wells”, ku ajo shkroi skenarin dhe shumë shpejt do të jetë regjizore e filmit.

Ajo nuk beson se ka një moshë të caktuar ku nuk mund të thuash apo të ndjesh dhe të jesh ajo që dëshiron të jesh. Mbretëresha e Pop-it  gjithmonë ka refuzuar të ketë një jetë brenda kornizave.  Ajo ka krijuar një familje aspak tradicionale, ka pasur të dashur shumë herë më të vegjël në moshë dhe gjithmonë i ka bërë njerëzit të mos ndihen rehat me këtë gjë. Në fund të fundit, Madonna është Madonna!