Një 57 vjeçar ka humbur jetën në një aksident automobilistik e 3 persona të tjerë janë plagosur rëndë. Ngjarja ka ndodhur në aksin Gramsh- Trashovicë.
Sipas policisë së Elbasanit, mjeti tip “Ford” i drejtuar nga Elson Metani 31 vjeç, ka devijuar nga rruga dhe ka përfunduar në greminë. Nga hetimet paraprake të policisë, rezulton se automjeti ka rrëshqitur si pasojë e rrugës me lagështi.
Agim Metani 57 vjeç, ka mbetur i vdekur ndërsa të plagosur Elson Metani-31 vjeç, Algert Miraka-36 vjeç dhe Adi Metani-27 vjeç.
Është dashur ndërhyrja e zjarrfikësve për të nxjerrë të aksidentuarit nga automjeti. Automjeti drejtohej nga Elson Metani djali i viktimës dhe lëvizte nga fshati Silarë për në Gramsh.