Nuk vjen nga hapësira e jashtme,e as nuk bëhet fjalë për një relike të ruajtur në një zonë misterioze. E natyrisht që nuk bëhet fjalë për një UFO,pavarësisht se koncepti është i ngjashëm. Bëhet fjalë për një IFO, makinën fluturuese që do të prodhohet në Itali. Projekti ‘Objekti i fluturimit të identifikuar” është produkt i mendjes së italianit Pierpaolo Lazzarini, i cili në vitin 2012 themeloi firmën Jet Capsule, qëllimi i së cilës ishte të revolucionarizonte lëvizshmërinë detare. Ai prodhoi automjetin e parë Jet Capsule me një qasje krejtësisht të ndryshme ndaj lëvizjes në det. Pas valëve erdhën ëndrrat e reve. "IFO është një makinë fluturuese e përbërë nga një kapsulë e montuar në një dron e që lëvizet nga 8 helika. Ajo mbart dy persona dhe lëvizja e saj mundësohet nga bateria. Për momentin bëhet fjalë vetëm një prototip, por qëllimi është që projektuesi ta paraqesë atë për Gitex Dubai, një nga ekspozimeve më të rëndësishme të teknologjisë.