Katër persona janë plagosur si pasojë e një aksidenti që është regjistruar në mëngjesin e sotëm në Qafë Bualli.

Dy nga katër të plagosurit, janë në gjendje të rëndë, ndërsa janë nisur me helikopter drejt spitalit të Traumës në Tiranë për mjekim të specializuar, ndërsa dy të tjerët janë jashtë rrezikut.

Katër personat që u plagosën, shoferi dhe tre pasagjerët po udhëtonin me një fuoristradë, por në momentin që tentuan të parakalonin një kamion, makina doli nga rruga.

Informacion paraprak nga policia

Në aksin rrugor Bulqizë-Klos, shtetasi V.E, banues në Mat, duke drejtuar automjetin tip ‘Land Rover’, ka humbur kontrollin duke dalë nga rruga.

Si pasojë kanë mbetur të lënduar pasagjerët A.T, dhe M.L, të cilët janë transportuar për ndihmë më të specializuar drejt Tiranës, ndërsa shtetasi H.J së bashku me drejtuesin e mjetit po merrin ndihmë mjekësore në spitalin e Bulqizës.

Grupi hetimor ndodhet në vendngjarje, po hetojnë për zbardhjen e rrethanave të aksidentit.