Manchester City ka mposhtur 2 me 0 Bournemouthin për të kaluar në vendin e dytë në PremierLigë, nga e pesta ku ishte para kësaj ndeshje. Me këtë humbje Bournemouth vazhdon të jetë në kërkim të fitores së parë për vitin 2017.

Sterling ka mundësinë më të mirë në minutën e 27-të por goditja e tij devijohet e më pas përplaset me shtyllën. Por vetëm dy minuta më pas Sterling këtë herë nuk fal para portës pas topit të bukur të brenda zonës duke zhbllokuar më në fund rezultatin.

Pjesa e dytë vazhdon me të njëjtin ritëm me vendasit që nuk arrijnë të jenë aq të rrezikshëm sa duan dhe e kanë të vështirë të barazojnë rezultatin që në minutën e 69-të dyfishohet nga miqtë me anë të Sergio Aguero-s. Pas një topi të Sterling brenda zonës nga fundorja Aguero ndodhet në vendin e duhur duke shtyrë topin në rrjetë.

Ekipi i Pep Guardiolas tani ka 52 pikë në pozitën e dytë, tetë më pak se Chelsea që vazhdon të prijë. Nga 50 pikë kanë Tottenhami dhe Arsenali e 49 ka Liverpooli.