Mançester Junajtedi është finalisti  dytë i Kupës së Ligës në Angli, dhe do të ndeshet për trofeun në finale me Sauthemptonin, që një ditë më parë eleminoi Liverpulin. Megjithatë, për Mançester Junajtedin nuk ka kaluar lehtë mbrëmja e së enjtes, teksa humbi 2-1 në fushën e Hall Sitit. Fitorja e Hall Sitit i dha fund serisë prej 17 ndeshjesh pa humbje për skuadrën e Mourinho-s në tërë aktivitetet, por nuk i ndërpreu rrugëtimin. E kjo thjesht fare, ngaqë Mançester Junajtedi e kishte fituar 2-0 takimin e parë. Një 11-metërsh i shndërruar në gol nga Huddlestone në minutën e 35-të u dha avantazhin vendasve. Një epërsi që do të kishte si përgjigje golin e Pogba-së në pjesën e dytë. Niasse ishte ai qe shënoi  golin e fitores për Hall Sitin pesë minuta para mbarimit të lojës.