Mariah Carey është fërshëllyer me përbuzje nga fansat në Leeds ndërsa ylli 46 vjecar, që është edhe një nga artistet më të shitura në botë, ka riafirmuar edhe njëherë statusin e saj prej dive duke i lënë fansat të presin për 45 minuta.
Këngëtarja dhe tekstshkruesja, duhet të ishte në skenë në 20.45 për shown e saj “Sweet Sweet Fantasy” por në fakt ka mbërritur në 21.30. Jo dhe aq të befasuar, fansat nuk e kanë pritur mirë vonesën duke e shprehur zhgënjimin e tyre live në Twitter.
“Jam në Leeds. Po ti ku je, Mariah?” shkruante një përdoruese ndërkohë që një tjetër postoi: “Më fal, Mariah Carey por janë 10.000 njerëz në Leeds duke të pritur ty. Do të bashkohesh me ne?!”
Pak momente më vonë ajo shtoi : “Shumë fishkëllima këtu ndërsa presim Mariah Careyn në First Date Arena. 45 minuta me vonesë dhe akoma duke numëruar. Kjo nuk e justifikon 70 dollarëshin e biletës”. Kjo nuk është diva e vetme që ka bërë diçka të tillë pasi edhe Madona e ka përsëritur tashmë disa herë këtë veprim në koncertet e saj.
20 Dec 2024 
