Qendrat e estetikës janë kthyer në preferencë për të shërbyer për prostitucion në kryeqytet. Tre administratore qendrash masazhi janë arrestuar për veprat penale të “Shfrytëzim Prostitucioni” dhe “Mbajtja e lokaleve për prostitucion”, si dhe një u shpall në kërkim. Pas 7 muajsh hetime, policia ka finalizuan operacionin policor të koduar “Extra Service” në kuadër të të cilit u bë arrestimi i shtetasve:
Njoftim i policisë:
“- H. D., 33 vjeç, banues në Tiranë
- A. M., 28 vjeçe, banuese në Tiranë
- L. Q., 34 vjeçe, banuese në Tiranë
si dhe është shpallur në kërkim shtetasi M.M., 43 vjeç, banues në Tiranë”.
Ndërkohë uniformat blu kanë zbardhur veprimtarinë e paligjshme që menaxhohej nga tre të arrestuarat, ndërsa po ndiqen penalisht në gjendje të lirë edhe 7 gra të tjera, të cilat mendohet se ushtronin prostitucionin.
Njoftimi i policisë:
“Ambientet e qendrave të masazhit që administronin, ata i vendosnin në dispozicion për të ushtruar prostitucion, vajzat e punësuara në to. Gjithashtu janë proceduar në gjendje të lirë 7 punonjëse në këto qendra, për ushtrim prostitucioni. Janë sekuestruar në cilësinë e provës materiale DVR, kamera vëzhguese, aparate celulare dhe 4 ambiente ku ushtrohej ky aktivitet. Materialet do t'i kalojnë Prokurorisë së Rrethit Gjyqësor Tiranë për veprime të mëtejshme”.