Forbes shkruan se biznesi i Kylie Jenner është shumë më i vogël nga se njerëzit e besojnë. Sipas tyre 22 vjeçarja pretendon se zotëron një biznes që kap shifra marramendëse. Forbes thotë se llogaritjet e tyre të reja e vendosin pasurinë personale të Kylie në pak më pak se 900 milionë dollarë.

Kylie akuzohet nga revista për falsifikim të deklaratave tatimore. Këto pretendime kanë nxitur reagim nga 22 vjeçarja, e cila është shprehur e revoltuar përmes disa postimeve në Twitter.

“Me çfarë po zgjohem. Unë mendova se kjo ishte një sit me reputacion .. të gjitha ato që shoh janë një numër i deklaratave të pasakta dhe supozime të paprovuara. Kurrë nuk kam kërkuar ndonjë titull ose jam përpjekur të arrijë atje”, ka shkruar Kylie.

“Mund të emëroj një listë me 100 gjëra më të rëndësishme tani sesa të fiksoheni se sa para kam”, u shpreh Kylie.