Katër persona me maska dhe me armë zjarri kanë hyrë në një banesë në fshatin Larushkë të Krujës dhe kanë grabitur kasafortën. Policia informon se grabitja është regjistruar rreth orës 21:40 të mbrëmjes së 28 qershorit. Autorët kanë marrë dhe mjetin benz në këtë banesë për t'u larguar, si dhe një kasafortë ku dyshohet se ka patur një sasi lekësh të papërcaktuar. Nga kërkimet e kryera nga ana e uniformave blu, në orët e para të mëngjesit të 29 qershorit është bërë e mundur gjetja e mjetit tip 'Benz' i cili ishte braktisur. Policia po vijon punën për identifikimin e autorëve.