Prokuroria e Durrësit ka urdhëruar nisjen e hetimeve për 1300 kontenierët me mbetje kimike që janë nisur nga Italia për në Maqedoni, por dyshohet se janë “zhdukur” në Shqipëri, skandal i publikuar para tre ditësh nga portali italian “Pianetta Italia”.

Në vendimin e Prokurorisë të siguruar nga Syri.net, thuhet se nga denoncimet e bëra në media dhe nga të dhëna të tjera, është e mjaftueshme që të bëhet hetim. Po kështu, investigimi në vazhdim do të hedhë dritë nëse do të të zbulohen persona përgjegjës. Paraprakisht hetimi ka nisur me akuzën e shpërdorimit të detyrës.