Edi Rama mbledh drejtuesit më të lartë të Partisë Socialiste si dhe një pjesë të kabinetit qeveritar. Takimi vjen në ditën e 10 të protestës së opozitës. Mësohet se takimi është mbajtur në vilën qeveritare, i cili ka nisur rreth orës 20:30 dhe ka përfunduar pas rreth dy orësh. Në takim kanë qënë të pranishëm edhe zëvëndëskryeministri Niko Peleshi, ministrat Saimir Tahiri, Arben Ahmetaj, Damian Gjinkuri, Blendi Klosi. Në takim morën pjesë edhe kryetari i grupit parlamentar, Gramoz Ruci, nënkryetari Aulant Balla, si dhe Erion Veliaj.
Megjithëse në media nuk qarkullon asgje mbi atë që është diskutuar, takimi vjen në një kohë kur opozita këmbëngul për qeveri teknike dhe deklaron se nuk tërhiqet nga kërkesa e saj.