Ditën e sotme që prej orës 07:00 të mëngjesit ka nisur procesi i votimit, teksa 31 bashki janë vetëm me një kandidat ajo që diskutohet është pjesëmarrja e votuesve. Në këto zgjedhje nuk merr pjesë opozita.

Sot një pjesë e qytetarëve po zgjedhin të protestojnë në rrugët e Tiranës, ndërsa të tjerë po ‘’protestojnë’’ me fletat e votimit të cilat më pas i publikojnë në rrjetet sociale.

'Rama ik', 'Nuk votoj monizëm', janë disa prej shënimeve të vendosura mbi fletë. Si duket disa prej votuesve kanë preferuar të shkojnë pranë qendrave të votimit, duke e kthyer më pas fletën në të pavlefshme.

Ndërkohë dhe aktivistja e njohur Brizida Gjikondi ka shkuar sot të votojë por e ka bërë të pavlefshme votën e saj.