Dua Lipa po kalon momentet më të mira të jetës së saj! Këngëtarja e talentuar shqiptare nuk ndalet së korruri triumfe në botën e muzikës në arenën ndërkombëtare dhe së fundmi po i gëzohet jashtë mase sukse suksesit me këngët e saj më të reja, sidomos me “One Kiss” të cilën e solli në bashkëpunim me Calvin Harris.

Tashmë ajo cilësohet YLL dhe çdo artist do donte të bënte një bashkëpunim me Duan, por ajo ka zbuluar bashkëpunimin e saj të ëndrrave dhe është ai që nuk e keni çuar nëpër mend. Bëhet fjalë për Kevin Parker, këngëtar nga Australia.

Në një intervistë për Copa90, 22-vjeçarja u shpreh se do kishte shumë dëshirë të bashkëpunonte me Kevin Parker nga grupi “Tame Impala’. Kevin Parker është këngëtar, producent, kompozitor dhe instrumentist australian, i njohur më së shumti si vokalist dhe kitarist i grupit “Tame Impala”. Ky grup është ndër më të vlerësuarit në Australi, por jo vetëm, këngët e të cilëve numërojnë miliona klikime në YouTube.