Pritjet e ëmbla janë ndër lajmet më të mira që dikush mund të marrë, sidomos vetë prindërit.Por një situatë sa e bukur aq edhe e hidhur ka ndodhur në emisionin “1 kafe me Labin” ku i ftuar ishte këngëtari i njohur Naim Abazi, bashkëshorti i Mihrije Brahës nga martesa me të cilën ka një djalë të quajtur Plator.

Gjatë emisionit, Mihrije i solli një letër surprizë bashkëshortit të saj në studio, letër të cilën Naimi duhej ta lexonte më zë.

“Para dy ditësh kuptova se Platori do të bëhet me vëlla, dhe ti do të bëhesh baba”,- shkruante ajo. Kur lexoi këto fjalë ai mbeti i surprizuar nga ky lajm, të cilin nuk e priste
“Është shumë interesante sepse e kemi biseduar dhe kemi thënë s’mundet,- shprehet Naimi- është e jashtëzakonshme, nuk mund t’a përshkruaj. Nuk e di a e din Platori? S’po mundem të vij në vete”.

Por fatkeqësisht, Labi i tregoi se data shënonte 1 prill dhe ishte një shaka.

Naimi ka filluar të qeshë i befasuar dhe me shaka shtoi: “Po ju zbuluat diçka tjetër, që unë me Mihrijen e kemi biseduar këtë. Më keni borxh të dy”.