Dua Lipa feston sot ditëlindjen dhe artistja ka marrë mesazhe të shumta urimi nga të afërm e miq të saj. Mes urimeve të shumta tërhoqi vëmendjen ai i blogeres italiane Chiara Ferragni, që i ka bërë një dedikim shumë special Lipës.

Chiara ka publikuar një foto me Duan dhe mes urimit të saj nuk kanë munguar disa fjalë të shkruara në shqip. “Gëzuar ditëlindjen engjëlli Dua Lipa. Shpresoj të të shohë së shpejti. U bëfshe 100 vjeçe zemër”, ka shkruar Ferragni.

Këngëtarja me origjinë shqiptare dhe blogerja italiane prej vitesh ruajnë një miqësi të bukur me njëra-tjetrën, ndaj në këtë ditë speciale për Duan nuk mund të mungonte urimi nga Chiara.

Por një koment e ka lënë edhe e motra e Chiarës, e cila e ka quajtur “bukuroshe” këngëtaren shqiptare.