Loredana dhe Mozzik prej disa muajsh i kanë ndarë rrugët me njëri-tjetrin, por nuk e kanë fshehur mundësinë që në një të ardhme ata mund të kthehen sërish bashkë.

Edhe pse të ndarë, dy artistët e talentuar i mban bashkë vogëlushja e tyre, Hana. Të dy këngëtarët ndajnë shpesh foto e video nga më të ndryshme të bukuroshes së vogël e cila jeton me Loredanën. Së fundmi Loredana ka postuar disa imazhe shumë të bukura të vajzës së saj, imazhe të cilat ia ka dërguar edhe Mozzikut i cili s’ka hezituar t’i postojë në Instagram.

Mirëpo reperi ka publikuar edhe dy foto të tij kur ishte i vogël si për të na treguar se Hana është një kopje e të atit dhe me siguri për këtë Loredana s’ka më të voglin dyshim pasi fotot flasin vetë.