Mbrëmja e sotme e Përputhen Prime ka qenë vërtetë mbrëmje surprizash! Djemtë mesa duket kishin ardhur të përgatitur sot. Fillimisht Andi i bëri një surprizë Jasminës, pasai u çua nga karrigia, mori një dhuratë dhe iu drejtua duke i dhuruar një puthje. Por vetëm pak momente më pas ishte pikërisht Atdheu që bëri të njëjtën gjë me Sarën. Kujtojmë se Atdheu është i vetmi konkurrent që ka shkëmbyer dy puthje me dy vajza të ndryshme, me Anën dhe me Sarën.
Ndërkohë Ana 1 e cila ka qenë në rolin e opinionistet është shprehur se për Andin nuk mund të flasë, por për Atdheun u shpreh se kjo puthje nuk ishte e ndjerë.
“Ti dridheshe more kur më puthe mua”, ka thënë Ana.
Në këtë moment ndërhyri Sara e cila i ka thënë se ai dhe tani po dridhet dhe i kontrollon të rrahurat e zemrës.
“Mos ma trego mua ti se e kam patur para teje Atdheun unë, kam të rrahurat e zemrës së tij akoma. Unë e njoh atë, kur e ndjen dhe ka emocione dridhet”, u shpreh Ana deri diku me shenja xhelozie.
Ndërkohë Atdheu është shprehur se puthja me Anën i ka pëlqyer më shumë
“Me Anën kam kaluar më shumë kohë. Por shyqyr që erdhi Sara në program dhe mu kthye shkëlqimi. Por puthja më e mirë ka qenë me Anën. Kam pasur shumë kohë me Anën.”
14 Dec 2024 
