Cristiano Ronaldo ka fituar gjithçka me klubin e Real Madrid, por në fund zgjodi të transferohej në Seria A, pranë klubit të Juventus.

Ky kalim është bërë mes shumë polemikash por në fund të fundit fjala i ka takuar portugezit. Së fundmi Ronaldo është bërë ambasador në platformën e transmetimit të DAZN dhe aty ka shprehur një arsye të fortë se pse zgjodhi të kalonte te klubi i Juventus.

“Ka gjëra në jetë që duken të vendosura nga fati dhe në këtë rast ka qenë kështu. Unë kurrë nuk prisja të luaj në këtë klub, por disa gjëra ndodhin natyrshëm. Siç të gjithë e dinë, Juventusi është një nga klubet më të mira në botë dhe për mua ishte një vendim i lehtë. Natyrisht, ajo që bëra me Real Madrid ishte e pabesueshme, kam fituar gjithçka dhe kam shumë miq, por Juventusi provoi të më donte më shumë se kushdo dhe unë dua të përpiqem të shkruaj edhe këtë histori me këtë klub.” është shprehur Ronaldo