Raporti i konkurrueshmërisë analizon cilësinë e institucioneve, infrastrukturën, gjendjen ekonomike, shërbimet prioritare, arsimin dhe shëndetësinë, zhvillimin e tregjeve financiare, si dhe inovacionin e biznesit. Sipas raportit, Shqipëria ka shënuar përmirësim thuajse në të gjitha kolonat, por ndikimin përcaktues e ka dhënë ambienti makroekonomik, për shkak të uljes së borxhit publik dhe renditjes më të mirë nga agjencitë që vlerësojnë financat publike.

Brenda treguesit të konkurrueshmërisë, Forumi Ekonomik i pyet bizneset edhe për faktorët më problematikë që i pengojnë në aktivitetin e tyre. Këtë vit, në vendin e parë, biznesi liston taksat si faktorin më pengues, ndërsa në vendin e dytë dhe të tretë renditen korrupsioni dhe qasja në financim, raporton top channel.