Besoj se të gjithë jemi të zhgënjyer nga kampionati shqiptar, si nga infrastruktura ashtu edhe nga “momentet e veçanta” që futbolli shqiptar prodhon thuajse çdo javë. Kemi parë gjëra nga më të ndryshmet, dhunë nga tifozët ose policët, sharje, trukime etj.

Ajo që na ka habitur kohët e fundit është veprimi i portierit të skuadrës së Shënkollit, Rinev Danaj i cili pas një dëmtimi të rëndë në zonën intime, i ka kërkuar gjyqtarit të ndeshjes, Klajdi Kolës që të dalë nga fusha për të urinuar.

Ky i fundit nuk ia ka aprovuar diçka të tillë dhe portieri është detyruar ta braktisë portën bashkë me fushën për urinuar tek cepi i portës pasi vetëm ky veprim do e bënte të ndihej më mirë në ato momente. Spektatorë të kësaj ngjarje, kanë qenë një numër i madh njerëzish, të gjithë të pranishmit në stadium.