Gjatë kësaj vere kemi dëgjuar shumë këngë të bukura të artistëve tanë dhe deri në fund të muajve të nxehtë, me siguri do dëgjojmë edhe këngë të tjera.

Emra të njohur të muzikës si Butrint Imeri, Ledri Vula, Majk e Ghetto Geasy, Fero, , Kida, Ermal Fejzullahu, Tayna, Melinda Ademi, Capital T, Elvana Gjata e shumë të tjerë ka publikuar këngë të cilat po dëgjohen në çdo ambient. Sigurisht që secili ka preferencat e tij, por kënga që po dëgjohet më së shumti nga shqiptarët ditët e fundit është pikërisht “K.P.T” e reperit të ri në moshë FINEM.

Ky i fundit u bë i famshëm prej këngës “Benzi”, ndërkohë që edhe kënga e tij e re është pritur mirë nga publiku pasi numëron mbi 600 mijë klikime në shumë pak ditë.

Sigurisht që këtu ndikon edhe mbështetja që i kanë dhënë artistët e njohur, kryesisht Tayna, pasi janë pjesë të të njejtin label muzikor.