Reperi Mozzik ka festuar përvjetorin e tij të 25-të. Të shumta ishin urimet nga ndjekësit dhe miqtë për reperin. Mirëpo ajo çfarë arriti të tërheqë vëmendjen e të gjithëve ishte fakti se Loredana, mëngjesin e sotëm, ka postuar një video në Instagram të makinës Mercedes Benz G63 AMG, makinë e njëjtë si e Mozzik. (LEXO KETU).

Për më tepër, janë fansat ato që ngrejnë dyshime për një ribashkim të tyre, duke mos harruar dhe faktin që dyshja u pa para pak ditësh bashkë, në një qendër tregtare në Stutgartt.

Mirëpo nuk mbyllet me kaq, sepse po të shihni me vëmendje, ata kanë veshur sërish të njejtat rroba dhe këtu ka dy gjëra: Ose i blejnë rrobat në të njejtin dyqan, ose Loredana vesh rrobat e ish partnerit të saj.

Gjithsesi djali i ditëlindjes, Mozzik ka publikuar dy foto të reja në Instagram, ku shfaqet i veshur gati për të udhëtuar me valixhe në duar.

Destinacioni i tij është Stuttgart, Gjermani, por fansat kanë arritur të dallojnë elemente më të fshehura akoma sesa udhëtimi i reperit në këtë 25-vjetor.

Dhe sikur të mos mjaftonte veshja e njejtë, në foton e dytë shohim hijen e fotografes, që i ka realizuar reperit fotot, një bjonde për të cilën të gjithë fansat po thonë se është Loredana.

Prej disa ditësh, Mozzik dhe Loredana po japin vetëm shenja që na tregojnë se mund të jenë ribashkuar.

Duket si Loredana edhe pse nuk dallohet mirë, por teksa ishte i ftuar në emisionin “Shiko kush luan”, Mozzik refuzoi të përgjigjej nëse ka një mundësi rikthimi me Loredanën, duke ngrënë një nga ushqimet e sfidës “Ndaje ose haje”.