Mediat ndërkombëtare i kanë bërë shpesh jehonë turizmit shqiptar. Por ende pa u mbyllur ky vit, mediat ndërkombëtare e shohin vendin tonë si një destinacion atraktiv turistik për verën që do të vijë, duke e cilësuar 2019-n si vitin e saj në turizëm. Është britanikja Harper Baazar, e cila e ka listuar në top 10 vendet më të bukura për t’u vizituar në verën që do të vijë.

Zyrtarisht kemi hyrë në stinën e dimrit. Ditët janë të shkurtra, temperaturat janë të ulë dhe vera duket ende shumë larg. Por të gjithë kemi në mendje vetëm një gjë: Ku do të shkojmë për pushime?
Gjatë 12 muajve të fundit, fotot e pushimeve nga vende si Italia e Jugut dhe Bali kanë pushtuar rrjetet tona sociale, ndërsa vitin e kaluar Vietnam, Mykonos dhe Lisbonë patën një bum vizitash.
Për të siguruar lexuesit që të jenë një hap përpara me destinacionet që zgjedhin, media britanike Harper Baazar ka sjellë mendimet e një grupi ekspertësh për udhëtimet.

Në 10 top destinacionet e listuara nga ekspertët, Shqipëria është renditur në të tetin.
Sipas Harper Baazar, Shqipëria ka qenë prej kohësh në hijet e vendeve fqinje turistike për tërheqjen e turistëve si Greqia dhe Mali i Zi. Megjithatë disa ekspertë të udhëtimit parashikojnë që viti 2019 të jetë viti i vendit në turizëm.
Referuar Booking.com. Ksamil, fshat në jug të vendit, është një destinacion për të mos u humbur. Përdoruesit e kësaj platforme e kanë vlerësuar vendpushimin për prodhimet e detit dhe njerëzit miqësorë. Vendi gjithashtu u listua edhe në listën më të mirë të udhëtimit të Lonely Planet për vlerën e vitit 2019 ku përshkruhej: “Shqipëria mbetet një destinacion ku mund të ecni në mes të peizazhit të bukur malor, të qëndroni në fshatra të vegjël dhe të përjetshëm dhe të eksploroni kryeqytetin e Tiranës për shumë më lirë se sa shumë në një vend tjetër në Europë “.
Pjesë e listës së medias britanike ishin edhe këto vende

1.Jordania
2.Sri Lanka
3.Kanadaja
4.Ishujt e Paqësorit
5.Japonia
6.Rëanda
7.Arizona, SHBA
8.Shqipëria
9.Zelanda e Re
10.Bullgaria