Nga aksioni i policisë në Memaliaj janë asgjësuar rreth 13 000 bimë të dyshuara narkotike Cannabis Sattiva. Bimët narkotike kultivoheshin në 7 parcela, e pas ndërhyrjes së uniformave blu ato janë asgjesuar nëpërmjet djegies. Ndërkohë policia nuk ka mundur që të identifiojë autorët, ndërsa mësohet se po punohet për identifikimin dhe kapjen e tyre.
Njoftimi i policisë:
“Nga kontrolli i ushtruar nga Shërbimet e Policisë, për goditjen e veprimtarisë kriminale të kultivimit të bimëve narkotike në vendin e quajtur "Mali i Mukaj", Luftinjë 2, Njësia Administrative Luftinjë, Memaliaj u konstatuan dhe u asgjësuan në 7 parcela 13 000 bimë të dyshuara narkotike të llojit Cannabis Sattiva.
Bimët u asgjësuan në vend me anë të djegies.
Policia po punon për identifikimin dhe kapjen e autorëve.
Materialet i kaluan Prokurorisë së Rrethit Gjyqësor Gjirokastër për veprën penale "Kultivim i bimëve narkotike".