Ledian Memushaj ishte më i pafati nga lojtarët tanë në ndeshjen ndaj Francës, pasi goditja e tij përfundoi në shtyllë.Memushaj i kushton më shumë rëndësi pikëve se lojës. 

"Fati nuk ishte me ne. Mund të kishim shënuar të parët". Kështu shprehet mesfushor i kombëtares,  cili bën përgjegjës fatin për humbjen në fund ndaj francezëve.

"Golin e pësuam në fund fare, se mund të ishim ndëshkuar më përpara dhe të ndërronim skemë. Kemi luajtur në defensivë, por unë u mundova të jap më të mirën për ekipin. I kishim shanset si në pjesën e parë me goditjen standarde ashtu edhe në pjesën e dytë me shtyllën, por fati s'ishte me ne. Ky është futbolli. Të luash 90 minuta mjaft mirë, por e dinim që do të ishte shumë e vështirë. Ata patën raste e tyret, ashtu si edhe ne. Sfida me Rumaninë? Dhe të luajmë qetë dhe të kërkojmë që të dalim të fituar nga ajo ndeshje me çdo kusht”, u shpreh pas ndeshjes Memushaj.