Kjo e mërkurë në emisionin Soiree me Jonida Shehunn kishte në fokus muzikën e filmave shqiptarë në kuadër të 75 vjetorit të çlirimit të Shqipërisë. Vikena Kamenica ka interpretuar këngën “Xhaketa e kuqe” e filmit “Udhëtim në Pranverë”, e cila ka treguar se kjo këngë i kujton gjithmonë babain e saj. Vikena është përlotur gjatë emisionit teksa ka folur shumë e emocionuar për “Xhaketa e kuqe”, e cila mbart lidhjen babë e bijë.

“Unë për herë të parë e kam dëgjuar në filmin “Udhëtim në pranverë” kur kam qenë fëmijë. Duke qenë familje këngëtarësh, edhe prindërit e mi sa herë që fillonte ky filmi thoshnin ‘është kënga , prit se është momenti që do këndojë Liljana këtë këngë’. Edhe pse i kishte notat e patetizmit, normalisht për shkak të kohës, edhe atëherë sistemi ishte i tillë në vetvete ajo këngë kishte atë dozën nostalgike të dashur që lidhesh ti direkt me babain. Do ta mbaj me vete baba xhaketën tënde. Sa herë që e diskutoj emocionohem. Gjëja e parë që mendoj është babai im padiskutim”, ka treguar e emocionuar Vikena Kamenica.

Ajo më pas ka interpretuar këngën “Xhaketa e kuqe” në Soiree dhe pasi ka mbaruar është përlotur, sidomos pas fjalëve të kritikut të artit Josif Papagjoni.

View this post on Instagram

Vikena Kamenica përlotet në Soirée pas interpretimit të këngës “Xhaketa e Kuqe”, një këngë që e ka shumë pranë zemrës, duke i kujtuar marrëdhënien e saj me babain. Fjalët e kritikut të artit Josif Papagjoni e emocionuan akoma më shumë @vikenakamenica @jonida.shehu @topchannelalbania

A post shared by Soirée (@soiree_topchannel) on Dec 11, 2019 at 1:56pm PST