Princi Harry i dha fund beqarisë para pak ditësh në një ceremoni madhështore të dasmës së tij me Meghan Markle. Vëmendja e gjithë Britanisë, por edhe e botës mbarë, prej ditësh ishte përqendruar te kjo dasmë, që mund të cilësohet padiskutim si dasma e vitit.

Mbretëresha Elizabeth II nuk ka përdorur asnjëherë fjalë përkëdhelëse për Meghan Markle dhe gjithë bota ka shkruar se “Ajo s’e do Meghan-in”. Por mbretëresha ka zgjedhur ta shprehi pëlqimin e saj për Meghan në një mënyrë shumë delikate.

Së pari ajo lejoi Meghan që të kalonte Krishtlindjet në familjen mbretërore përpara se të bashkohej zyrtarisht me Princ Harry-n. Mirëpo ajo që na vërteton se Meghan është e preferuara e mbretëreshës është një foto që Elizabeth II mban në dhomën e saj. Kjo foto nuk është parë kurrë më parë publikisht.

Ajo është një foto e Meghan Markle dhe Princ Harry-t, e cila nuk është bërë në ceremoninë e dasmës, por shumë kohë më parë. Elizabeth II ishte duke pritur Komisionerin e Lartë të Australisë në Mbretërinë e Bashkuar, Honorable George Brandis, më 30 maj kur u fotografua fotoja ku duken qartë Duka dhe Dukesha e Sussex në sfond.

Me sa duket marrëdhënia mes tyre është shumë më e mirë se sa përflitet. Madje Markle foli me shumë dashamirësi për mbretëreshën gjatë intervistës së saj të parë të “BBC”-së pasi u njoftua angazhimi i saj. Ajo është shprehur se që në momentin e parë që e takoi mbretëreshën ka pasur një mirëkuptim të madh me të dhe natyrisht një respekt të jashtëzakonshëm.