Prej më shumë se një muaj opozita është në shesh dhe kërkon qeveri teknike, por Kryeministri Edi Rama është i prerë në qëndrimin e tij, duke refuzuar krijimin e qeverisë teknike. Ndërsa sot, një ditë pasi Edi Rama i tha kryesisë së partisë se PS do të shkojë edhe e vetme në zgjedhjet e 18 qershorit, ka zgjedhur dy fotografi të qendrës së qytetit tub Kavajës për të bërë të qartë refuzimin për qeveri teknike. Në një postim në facebook të dy fotografive, një e vitit 1997 dhe një tjetër e këtij viti. Rama foton e ka shoqëruar me këtë mesazh:
Postimi i Ramës në facebook:
“MIRËMËNGJES dhe ju uroj një ditë të mbarë me këtë imazh të Kavajës në 1997 dhe dje pasdite”.
Krahasimi i fotografive me 20 vite diferencë është i dukshëm. Viti i trazirave të ’97 nuk kishte asgjë më shumë se sa arme në të gjithë vendin, por tashmë Kryeministri Rama në 2017 na paraqet një pamje që flet vetë.