Me foton e fundit në ‘Instagram’, reperja e njohur, Loredana ka treguar se si po e kalon fundjavën së bashku me të voglën e saj, Hanën. Ajo ka publikuar një foto ku duket se po shijon natyrën së bashku me vajzën. “Hana më pyeti: Kur do të dalë albumi i dytë mami?”, ka shkruar reperja krah postimit të fundit ku shfaqet e veshur me një veshje sportive në ngjyrë jeshile dhe Hana e ulur pranë saj.

Fansat janë duke pritur me padurim publikimin e projekteve të reja të Loredanës, megjithatë deri më tani ajo nuk ka zbuluar asnjë datë rreth saj. Teksa Loredana ka lajmëruar publikimin e albumit të dytë, edhe Mozzik ka ndarë një foto ku ka treguar se albumi që do të sjellë shumë shpejt do të titullohet ‘Mozzart’.