Në Gjermani partia Cdu e Angela Merkel dhe partia Spd e Martin Schulz duket se kanë vendosur të bëjnë marrëveshje për formimin e një koalicioni të quajtur “Grosse Koalition” me interesave të gjera.

Taksat dhe emigrantët janë dy pikat kritike për të cilat dy forcat politike kanë krijuar një program 3 muaj pas zhvillimit të zgjedhjeve në Gjermani.

Me realizimin e kësaj marrëveshje, Angela Merkel do të krijojë një qeveri të re të drejtuar nga partia e saj Cdu në koalicion me socialdemokratët e Spd-së.

Janë dashur 21 orë diskutime që të konkludoheshin më një marrëveshje mes Merkel dhe Schulz, marrëveshje kjo e bazuar në një program prej 30 faqesh i cili do të bëhet publik në ditët në vijim.

Sidoqoftë marrëveshja ende nuk është definitivisht e kopsitur pasi mungon miratimi i Asamblesë së partisë socialdemokrate Spd për vendimin që ka marë Martin Schulz.

Ish-presidentit të Parlamentit Europian nuk i mbetet gjë tjetër veçse të bind delegatët e partisë për të bërë një koalicion me kryeministren Merkel, opsion ky i cili nuk shikohet me sy aq pozitiv nga disa pjesë përbërëse të partisë socialdemokrate.

Pritet të zbulohet se si do të funksionoj koalicioni bashkëqeverisës ndërmjet partive Cdu, Csu dhe Spd.