Disa prej tyre kanë disa mijëra ndjekës, ndërsa të tjerë janë “amatorë” të vërtetë, me vetëm disa dishepuj që numërohen me gishtat e një dore. Në kontrast me historitë e lashta, Mesiat e Bendiksen i komunikojnë zbulesat e tyre nëpërmjet Facebook dhe videove virale në YouTube. Secili prej tyre beson se ësthë i zgjedhuri, ai që do të shpëtojë botën.

Këtu INRI Cristo po shoqërohet nga dishepujt e tij në një piedestal lëvizës me rrota. INRI janë inicialet që Pons Pilati vendosi mbi kryqin e Jezusit, që kishte kuptimin “Jezus Krishti, Mbreti i Hebrenjve”. INRI Cristo ecën me një tip monopatine përreth pronës së tij në afërsi të Brazilias, e njohur ndryshe si Jeruzalemi i Ri. Ai iu predikon ndjekësve të tij nga maja e një kabine. Dishepujt jetojnë një jetë të qetë dhe të veçuar pak jashtë pronës së INRI, duke kultivuar vetë shumicën e ushqimit të tyre dhe duke u fokusuar tek misioni i INRI.

Jezusi i Kitwe ecën përreth i mbuluar nga një qese e zezë marketi për të ndarë mesazhin e Jezusit të rikthyer. Ashtu siç Jezusi biblik ishte një marangoz, Jezusi i Kitwe punon si taksist në Zambia. Këtu është një nga dy Toyota Corolla-t e tij.

Vissarion njihet si Krishi i Siberisë. Më parë një polic trafiku në vitet 1980-të, ai e mori zbulesën e tij të parë se ishte Jezus Krishti në të njëjtën kohë me ndarjen e Bashkimit Sovjetik. Që atëherë ai ka mbledhur 5 deri në 10 mijë dishepuj në pyllin siberian. Aty ata jetojnë në fshatra të ndara me infrastrukturën dhe sistemet e tyre sociale. Krishtlindja e vërtetë për ta është ditëlindja e Vissarion më 14 janar, ditë gjatë të cilës marshojnë në pelegrinazh përpara festës së madhe.

Moses Hlongwane, i njohur si thjesht Jezus, gjatë një predikimi në martesën e tij me Angel në Afrikën e Jugut, një nga dishepujt e tij. Në teologjinë e Moses, dita e tij e martesës ishte fillimi i Fundit të Ditëve.

Mesia David Shayler duke parë një eklips solar nga i njëjti mal ku dha predikimin e tij në vitin 2008.Ai predikon gjithashtu i veshur si alter ego e tij tranvestite Dolores. David tregon se identiteti i tij i pjesshëm si femër i jep Mesias një perspektivë femërore.