Presidenti Ilir Meta ka firmosur sot dekretin e shkarkimit të ish-ministrit të Brendshëm Fatmir Xhafajt.

Ndërkohë pritet të dekretohet emërimi i gjeneral Sandër Lleshit në postin e Ministrit të Brendshëm.

Burimet për mediet bëjnë me dije se dje kryeministri Edi Rama i ka dërguar presidentit Meta shkresën me propozimin për emërimin e Sandër Lleshit në krye të këtij posti, ndërkohë që mëngjesin e sotëm njoftoi me twitter se kishte pranuar dorëheqjen e Xhafajt.

Dekreti i Metës për shkarkimin e Xhafajt dhe emërimin e Sandër Lleshit pritet të votohet të enjten e ardhshme në seancë plenare.