Ndërkohë që në media po flitet për një largim të ministrit të Brendshëm Saimir Tahiri dhe ristrukturim të qeverisë pas “presionit” të opozitës nga çadra e protestës, kreu i LSI-së Ilir Meta në një takim nga Novosela e Vlorës është shprehur se duhet të marrin vendime të rëndësishme “bazuar në dashurinë për vendin” e përgjegjshmërinë për të ardhmen.

“Ne politikanët shqiptarë duhet të marrim vendime të rëndësishme . Vendime bazuar në dashurinë për vendin e përgjegjshmërinë për të ardhmen e tij. Jo vendime bazuar në urrejtjen ndaj njëri-tjetrit dhe filozofinë e përjashtimit”, ka thënë kreu i Kuvendit.

Meta shoqërohej në Novoselë nga Sekretari i Përgjithshëm i LSI, Endrit Braimllari dhe Prof. Shezai Rrokaj, anëtar i kryesisë së LSI.