Ilir Meta ka shpërthyer si kurrë më parë me akuza ndaj kryeministrit Edi Rama. Në studion e Channel One, Meta tha se Rama është i vetmi përgjegjës për kanabizimin e vendit.

Më tej, Presidenti i zgjedhur shtoi se ka qenë kundër zgjedhjes së Saimir Tahirit në krye të Ministrisë së Brendshme, dhe se kjo ishte një zgjedhje personale e Ramës.

“Droga është përgjegjësi e Ramës. Zgjedhja e Saimir Tahirit ka qenë personale e tij. Ai tha që nuk ka njeri tjetër të besuar. Ndaj dhe përgjegjësinë për drogën e ka vetëm Rama”, tha Meta.

Ish-kreu i LSI ka hedhur një akuzë mjaft të rëndë ndaj kryeministrit dhe kryesocialistit Edi Rama.

Meta tha se Rama ka një sëmundje të pashërueshme dhe socialistët nuk e besojnë më atë.

Më tej, ai bëri thirrje që ky aventurier të mos lejohet më të shkatërrojë Shqipërinë.

“Ai ka një sëmundje të pashërueshme dhe socialistët nuk e besojnë më atë. Nuk mund të lejojmë asnjë aventurierë të shkatërrojë Shqipërinë. Unë nuk kam më ndërmend të bëj koalicion me ndonjë”, deklaroi Meta.