Kreu i Shtetit shqiptar zhvilloi një takim pune me delegacionin e Kongresmenëve amerikanë, anëtarë të Komisionit për Inteligjencën. Presidenti Meta dhe kongresmenët amerikanë të kryesuar nga Devin Nunes diskutuan dhe ndanë pikëpamje të njëjta mbi çështje të sigurisë rajonale dhe globale, duke pasur parasysh se Shqipëria, përveç se një anëtare dhe kontribuese e NATO-s, ka treguar e provuar se është edhe një aleate besnike e Shteteve të Bashkuara të Amerikës në koalicionin kundër terrorizmit dhe ekstremizmit ndërkombëtar.