Melvan Shaba është një nga konkurrentët që ka bërë më shumë bujë në “Për’puthen”, jo vetëm prej historive me vajzat e programit, por edhe prej talentit të tij në muzikë.

Pavarësisht se ka realizuar këngë edhe para pjesëmarrjes në emisionin e dashurisë , ai u bë i famshëm pas lançimit të “Ledjana” që ka plot 3.6 milionë shikime në YouTube.  Më pas 33 vjeçari realizoi edhe projekte të tjera muzikore si; “Love Story”, “KÇK” në bashkëpunim me Sabianin e disa të tjera.

Por mesa duket  Mevlani nuk ka ndërmend të ndalet! Ai po përgatitet për publikimin e një hiti të vërtetë në bashkëpunim me Stinen dhe partneren e tij Grazia.

Këtë lajm e ka bërë të ditur fillimisht Juli, një tjetër protagonist i “Për’puthen” ku ka publikuar një foto nga seti i xhirimit të klipit. Më pas ky detaj është konfirmuar edhe nga vetë Mevlani por duke mos treguar detaje të tjera. Çfarë mendimi keni për këtë bashkëpunim kaq të papritur muzikor dhe a mendoni se projekti i Mevlanit, Stines dhe Grazias do të shndërrohet në një hit muzikor? Po Juli a do të jetë pjesë e tij? Kjo mbetet për t’u parë!