Milani ka vendosur që të shkarkojë trajnerin Sinisha Mihajloviç, pas rezultateve të dobta të kuqezinjve në Serinë A për këtë sezon.

Sipas ‘La Gazzetta dello Sport’, drejtuesit e klubit tashmë kanë vendosur për të ardhmen e trajnerit Sinisa Mihajloviç, të cilin nuk e duan më në krye të skuadrës.

Drejtori ekzekutiv, Adriano Galliani, ia ka komunikuar lajmin drejtuesve të skuadrës, ndërsa shumë shpejtë do të bëhet edhe zyrtarizimi i largimit të tij.

Lajmin e ka raportuar edhe portali i klubit ‘Milannews.it’, sipas të cilit presidenti i klubit, Silvio Berlusconi menjëherë ka nisur bisedimet për gjetjen e trajnerit të ri.

Thuhet se i preferuari i Berluskonit është trajneri që drejton të rinjtë e Milanit, Brochi, me të cilin Berluskoni ka nisur bisedimit.

Vendimi i shkarkimit të teknikut serb pritet të zyrarizohet të martën ose gjatë javës.