Milani i madh po ringrihet dhe për këtë po blen lojtarë cilësorë. Së fundmi raportohet se mesfushori uellsian, Aaron Ramsey mund të largohet nga Arsenali duke u transferuar në Serie A gjatë merkatos së janarit. Milani është në pritje të ardhjes së Ivan Gazidis nga Arsenali i cili pritet të marrë rolin e drejtorit të ri ekzekutiv te kuqezinjtë.

Ai nuk do vijë i vetëm te Milani. E përditshmja sportive italiane “Tuttosport”, raporton se Gazidis mund të sjellë edhe një përforcim të ri nga londinezët.

Fjala është për mesfushori Aaron Ramsey i cili njihet edhe për golat "fatkeq" pasi sa herë ai shënon, një njeri i rëndësishëm vdes. Ramsey ende nuk ka rinovuar kontratën me Arsenalin dhe kjo e bën më të lehtë mundësinë e transferimit te Milani në fillim të vitit 2019.