Në rast se familja Kardashian ju kishte zënë frymën, tashmë mund të drejtoheni tek një tjetër që ka elementë po aq kontroversë, ajo Cyrus. Vërtet që këtu vetëm Miley mund të krahasohet me motrat e njohura për të pasmet, dhe për fat të keq artistja 23 vjeçare nuk do të jetë pjesë e reality shoë-t të ri. Në vend të saj do të shfaqen mamaja dhe motra e Miley, 57 vjeçarja Brandy dhe 29 vjeçarja Tish në atë që do të quhet “Cyrus Vs Cyrus”. Bëhet fjalë për një spektakël ku dy arkitektet e arredimit do të konkurrojnë me njëra-tjetrën për të fituar klientë. Ato do të ndryshojnë tërësisht pamjen e një shtëpie brenda një jave të vetme. Burime pranë tyre bëjnë me dije se do të jetë shumë interesante të shohin kundër njëra-tjetrës nënë e bijë, të cilat kanë një marrëdhënie të bukur, plot humor dhe shumë moderne. Deri sa mes tyre të futen në mes klientët...